Jukʼamp sum yatiyañataki “Diosan munasiñapan jakasipxañäni” librompi chuymar purtʼkir yatichañäni

KUNATSA UK LURAÑAJJ WAKISI: Jaqenakajja Jehová Diosan kamachinakapwa yatipjjañapa ukat ukarjamaw phoqapjjañaparaki, ukhamatakwa Diosajj jupanakar sum uñjani (Isa 2:3, 4). Bibliat yatichañataki payïr librojj “Diosan munasiñapa” satawa, uka librojj kunjamsa Biblian suma yatichäwinakapajj jakäwisan yanaptʼistaspa ukwa qhanañchi (Heb 5:14). Ukatakejj chuymar purtʼkir yatichañaw wakisi, ukhamat sum amuytʼasis jan walinak jaytapjjañapataki (Ro 6:17).

KUNJAMSA UK LURSNA:

• Sumwa wakichtʼasiñasa. Kunas yateqerisar yanaptʼaspa ukwa amuytʼañasaraki. Yateqktan ukjjat kunsa amuyi uk yatiñatakejj jisktʼañasawa (Pr 20:5; be-S jana 259).

• Biblian suma yatichäwinakaparjam sarnaqañajj kunja askisa uk amuytʼañapatakejja, recuadronakampiw yanaptʼayasiñasa.

• Kun lurañas walïski jan walïkaraki ukanak concienciaparjam sum amuytʼasiñapatakiw yanaptʼañasa. Ukampis jupa pachpaw kunsa lurani uk amtjjañapa (Gál 6:5).

• Biblian kawkïr ewjjtʼanakap phoqañapas faltaski uk amuytʼañasawa. Ukjjarusti, Jehová Diosar munasitap laykojj kunanak lurañatakis chʼamachasiñapa ukwa suma arunakampi qhanañchtʼañasa (Pr 27:11; Jn 14:31).