BIBLIAN SUMA YATICHÄWINAKAPA | JEREMÍAS 51, 52
Jehová Diosan arupajj phoqasipuniwa
Jehová Diosajj kunanakas pasani uk sum qhanañchäna.
Persia marka reyin guardiapa
“¡Jichhajj flechanakam wakichasipjjam!”
Medonakampi persanakampejja flechampi arcomp sum apnaqañ yatipjjäna, ukampiw jupanakajj nuwasir sarapjjerïna. Flechanak sum afilapjjerïna ukhamat jañchi manqhakam puriñapataki.
“Babilonia soldadonakasti janiw nuwaskjjapjjänti”
Crónica de Nabonido sat nayra qellqatajj akham siwa: “Ciro chachan ejercitopajja, Babilonia markarojj jan nuwasisakiw mantäna” sasa. Uka arunakajja, kuntï Jeremiasajj qellqäna uka profecian phoqasitap uñachtʼayistu.
Crónica de Nabonido
Babiloniajj “tʼunjata, mayjjaru montonthapitaw qhepararakini, [...] wiñay wasararu” tukuyatarakïniwa
Khä 539 (antes de Cristo) marat qalltasajja, Babiloniajj jukʼat jukʼatwa aynachtʼäna. Alejandro Magno chachajja, Babilonia markar capitalat uttʼayañ munäna, ukampis jiwjjänwa. Nayrïr patak maranakanjja mä qhawqha judionakajj Babilonian jakasipkänwa. Ukatwa apóstol Pedrojj jupanakar visittʼir saräna. 300 maranakansti, uka markajj qʼala tʼunjatäjjänwa, qhepatsti janiw kunas utj-jjänti.