Jonás librot suma yatichäwinak yateqtanjja

Arupanjja, Jehová Diosajj walja servirinakapan sarnaqäwinakap qellqayäna, ukhamat jupanakat yateqasiñasataki (Ro 15:4). ¿Kunsa Jonás librot yateqtanjja? Ukatakejj Jehová Diosajj khuyaptʼayasiriwa: ukwa Jonás chachan sarnaqäwipat yateqtanjja sat video uñtapjjäta, ukjjarojj aka jisktʼanakaruw qhanañchapjjäta:

• ¿Kuna jan walinakansa kimsa jilat kullakanakajj uñjasipjjäna?

• Cheqañchapjjestani jan ukajj taman mä luräwi aptʼaskañäni ukhajja, ¿kunjamsa Jonás librojj yanaptʼistaspa? (1Sa 16:7; Jon 3:1, 2).

• Jaqenakar Diosan arunakap yatiyir sarañatakejja, ¿kunjamsa Jonás chachan sarnaqäwipajj yanaptʼistaspa? (Jon 4:11; Mt 5:7).

• Jan qollkaña mä usumpi usutästan ukhajja, ¿kunjamsa Jonás chachar kunatï paskäna ukajj yanaptʼistaspa? (Jon 2:1, 2, 7, 9).

• Biblia wali amuyumpi liytʼañatakisa ukjjat lupʼiñatakisa, ¿kunjamsa aka videojj yanaptʼistu?