Bibliat yateqerinakar videonakamp yatichapjjañäni

Videonakasa fotonakasa ukat yaqha ukhamanakasa, kuntï yateqktan uk sum amuyañataki ukat jan armasiñatakiw yanaptʼistu. Jachʼa Yatichiri Jehová Diosajja, wali wakiskir yatichäwinak uñachtʼäwinakampiw yatichirïna (Gé 15:5; Jer 18:1-6). Jesusasa uñachtʼäwinakampiw yaticharakirïna (Mt 18:2-6; 22:19-21). Aka qhepa maranakanjja, videonakamp yatichañajj wali suma yanaptʼawa. ¿Bibliat yateqerinakar videonakamp yatichasktanti?

Diosan apayanit suma yatiyäwinaka sat folleton yatichäwinakap jukʼamp amuytʼañatakejj 10 videonakaw utjistu. Yaqhep videonakan sutinakapajja, folleton chʼiyartʼayat letranakampi jisktʼanakajj uñstki uka pachpawa. Internetan utjki uka folletojja, sapa yatichäwin kawknïr videos uñtayasiñapa ukat kunapachas uñtayasiñapa ukaw qhanañchasi. Ukatjja, Bibliat yatichañatak utjkistu uka qellqatanakatsa videonakatsa yaqha ukham videonakajj utjarakiwa.

¿Kuna toqetti yateqasipkta uk amuytʼañajj Bibliat yateqerimatak chʼamakiti, jan ukajj kuna jan walinakañcha uñjasi? Kawknïr videos yanaptʼaspa ukjja, Internetan jw.org® cheqana, jan ukajj JW Broadcasting® programanwa thaqtasma. Inas jupamp chika uñtasin yatjjatapjjchisma.

Sapa phajjsiw machaq videonakajj uñsti. Ukanak uñtasajja, kunjamsa mayninakar uka videonakamp yanaptʼasma ukwa amuytʼañama.