Jehová Diosar munasipki ukanakampiw chikachasiñasa

¿Kunatsa Jehová Diosar munasirinakamp chikachasiñasa? Amigonakajj waliru jan ukajj jan waliruw puriyistaspa (Pr 13:20). Sañäni Joás (Jehoás) reyejja, Joiada (Jehoiadá) sacerdotemp chikachasisajj Dios nayraqatan kunatï cheqapäki ukwa luräna (2Cr 24:2). Ukampis Joiada sacerdoten jiwatapatjja, jan wali jaqenakampiw chikachasjjäna, ukatwa Jehová Diosar jan istʼjjänti (2Cr 24:17-19).

Nayrïr patak maranakanjja, congregacionajj ‘mä jachʼa utäkaspasa’ ukhamawa sasaw apóstol Pablojj säna. Congregacionankirinakajj ‘vasonakäpkaspas’ jan ukajj utankir cosasanakäpkaspasa ukhamawa sarakïnwa. Jehová Diosar jan istʼiri jilat kullakanakampi, familiaranakasampi jan chikachasjjañäni ukhajja, ‘kunatï sumäki uk apnaqañatak vasonakañäniwa’ (2Ti 2:20, 21). Ukhamajja, khitinakatï Jehová Diosar munasipki, Jupar serviñatakis chʼamañchapkistu ukanakamp chikachasiñatakiw chʼamachasiñasa.

JAN WALI JAQENAKAT JITHEQTAPJJAÑÄNI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunjamsa jan amuyasisajj jan wali jaqenakampi chikachasisksna?

• ¿Kunas kimsa cristianonakarojj jan wali amigonakamp jan chikachasjjañatak yanaptʼäna?

• ¿Biblian kawkir wiñay yatichäwipas suma amigonak ajlliñatak yanaptʼistaspa?