Oraqew “jawirjja umantjjäna”

Nayratpachaw gobiernonakajj Diosan markapar walja kuti yanaptʼawayapjje (Esd 6:1-12; Est 8:10-13). Jichha tiemponsa ukhamarakiw ‘oraqejj’ ‘jawirar’ umantawayi, mä arunjja ‘dragonajj’ (Supayajj) kunayman toqet Diosan markapar jan waltʼayañatak arknaqki ukanakatwa akapachankir yaqhep gobiernonakajj jarkʼaqawayi (Ap 12:16). Jehová Diosajj “qhespiyir Diosawa”, jupaw jilapartejj gobiernonak toqe markapar yanaptʼawayi (Sl 68:20; Pr 21:1).

Inas jumajj Diosar servitamat carcelan jistʼantatästa. Ukhamächi ukhajja, ak janipun armamti: Jehová Diosajj janiw jumat armaskiti, Jupaw cuidasktam (Gé 39:21-23; Sl 105:17-20). Diosar confiyatamajj janiw inamayäkaniti, Jupat jan jitheqtatamajj aka oraqpachankir jilat kullakanakaruw wal chʼamañchtʼani (Flp 1:12-14; Ap 2:10).

COREA MARKANKIR JILATANAKAW CARCELAT MISTUPJJE SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• Corea del Sur markankir walja waranqa jilatanakajja, ¿kunatsa carcelan walja maranak jistʼantat uñjasiwayapjje?

• ¿Tribunalanakan kuna amtanakar puripjjatapas jilatanakarojj carcelat janïr tiempökipan mistjjapjjañapatak yanaptʼäna?

• Aka oraqpachanjja, walja jilatanakaw Diosar confiyapjjatapat carcelankapjje, ¿kunjamsa jupanakar yanaptʼsna?

• Jichha tiempon librëkasajja, ¿kun lurañatakis chʼamachasiñasa?

• ¿Khitis tribunalanakan atipasiwayki ukanakat jachʼañchatäñapa?