¿Khitinakampirus invittʼiristjja?

Jesusan jiwatap amtañatakejja, sapa maraw mä campañajj walja jaqenakar invittʼañatak lurasi. Jila partejj jan uñtʼatanakaruw invittʼasi. Ukampis khitinakarutï uñtʼktan ukanakarus invittʼañasarakiwa. Niyakejjay jupanakajj uñtʼapjjchistojja, invittʼatajj jutapjjaspawa (yb08-S pág. 11 párr. 3; pág. 14 párr. 1). ¿Khitinakarus invittʼaraksna?

• Familiaranakasaru.

• Trabajir masinakasaru jan ukajj yateqer masinakasaru.

• Vecinonakasaru.

• Bibliat yatichktan ukanakaru, revisitanakasaru jan ukajj Bibliat yatichkayätan ukanakaru.

Maysa toqetjja, jilïr irpirinakaw khitinakatï Diosan markapat jitheqtatäpki ukanakarojj invitapjjani. Ukampis uñtʼkta ukanakat maynejj jayan jakchi ukhajja, ¿kunjamatsa jupar invittʼasma? Jupajj kawkjantï jakaski uka cheqan kuna horarusa kawkjansa Jesusan jiwatapajj amtasini ukwa yatjjatañama. Ukatakejja, Internetan jw.org cheqaruw NANAKJJATA siski ukar mantasma, ukatsti “Jesusan jiwäwip amtañataki” siski ukaruw mantañamaraki. Uka wakiskir uru puriniñapkamajja, khitinakarus invittʼasma uka toqetwa lupʼiñama, ukatsti invittʼañamawa.