CRISTIANJAM JAKAÑATAKI
Diosar precursorat servis jachʼañchapjjañäni
Israelitanakajja, Jehová Diosarojj wal jachʼañchapjjañapäna, kunattejj Jupaw Egipto markat apsunïna, faraonan ejercitopatsa qhespiyäna (Éx 15:1, 2). Jehová Diosajj markap laykojj kunayman askinakwa luraskaki. ¿Kunjamsa Jupar yuspärsna? (Sl 116:12).
Precursor auxiliarat servisa jan ukajj precursor regularat servisaw yuspärsna. Juparuw ukham serviñ munañasatakisa uk phoqañatakis yanaptʼa mayiñasa (Flp 2:13). Waljanejja, precursor auxiliaratwa nayraqatajj serviñ qalltapjje. Marzo, abril phajjsinakasa, congregacionanak tumptʼir jilatajj visitir jutki ukhas 30 jan ukajj 50 horanakwa mä precursor auxiliarajj luraspa. Precursor auxiliarat serviñajj kunja kusiskañasa uk amuyasajja, inas precursor regularat serviñ amtaraksna. Yaqhepanakajj phoqatpach tiempo trabajkasasa jan ukajj usutäkasasa, precursor regularatwa servipjje (mwb16.07 pág. 8). Cheqas Jehová Diosar jachʼañchañ layku kun lurañas wali askipuniwa (1Cr 16:25).
MONGOLIA MARKAN JAKASIRI KIMSA KULLAKANAKA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
¿Precursorat serviñatakejj kuna jan walinakarus uka kimsa kullakanakajj atipjawayapjje?
¿Kuna bendicionanaksa katoqawayapjje?
Precursorat servisajj ¿kuna yaqha asignacionanaksa Diosar jukʼamp serviñatakejj katoqawayapjje?
¿Kunjamsa precursorat servipjjatapajj yaqhanakar yanaptʼawayi?