Kʼari yatiyäwinak yatiyañat amuyasipjjañäni

Jichha tiemponjja periódico, radio, televisión, jan ukajj Internet toqejj jankʼakiw noticianakajj taqe cheqar puri. ‘Cheqa Diosan’ servirinakapajja, janiw kʼari yatiyäwinak yatiyañ munktanti, janirakiw jan amuyasis mä akatjamat yatiyañsa munktanti (Sl 31:5; Éx 23:1). Kunanaktï mayninakar yatiyktan ukanakajj maynirojj jan waltʼayaspawa. Mä yatiyäwejj cheqati janicha uk yatiñatakejj akham jisktʼasiñasawa:

• ¿Khititï yatiykitu ukajj confiykañati? Khititï yatiykistu ukajj janiw taqpachpun yatkaspati. Kuntï maynir yatiyktan ukajj jaqet jaqe sarasajj mayjtʼapuniwa. Ukhamasti mä yatiyäwejj ukhamapuniti janicha uk jan sum yatkañäni ukhajj janiw yatiyañasäkiti. Congregacionan uttʼayatäpjje uka jilatanakan cheqa yatiyäwinak parlapjjañapwa Diosajj muni. Ukhamajj janïr kun siskasajj uka yatiyäwejj cheqapuniti janicha uk sum yatjjatapjjañapawa.

• ¿Uka yatiyäwejj maynir jan walitti uñjayani? Ukhamächi ukhajj janiw yaqhar yatiyañajj walïkaspati (Pr 18:8; Flp 4:8).

• ¿Uka yatiyäwejj cheqaw sañjamati? Kuntï yatiyapkistu ukanakajj jan cheqaw sañjamäkchi ukhajj mayninakar yatiyañat wal amuyasiñasawa.

JAN ARUNAK APNAQERÏÑÄNITI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 

  Proverbios 12:18 textorjamajja, ¿arunakasajj maynir jan waltʼayaspati?

• 

  Filipenses 2:4 textojj ¿kunjamsa janïr mayninakat kun siskasajj sum amuytʼasiñatakejj yanaptʼistu?

• 

  Maynitï jiskʼachir arunakamp parljjani jan ukajj mayninakat jan walinak parljjani ukhajj ¿kamachañasasa?

• 

  Mayninakat janïr kun siskasajj ¿kunanak jisktʼasiñasas walïspa?