Jukʼamp sum yatiyañataki: Cámara toqe jan ukajj intercomunicador toqe predicañäni

KUNATSA UK LURAÑAJJ WAKISI. Jan walinakan wal jiljjatatap laykojja, walja jaqenakaw camaranaka jan ukajj intercomunicadoranak utanakapar uchasipjje. Uka aparatonakani utanakan predickasajj janiw utanirojj uñjktanti, ukatwa predicañ ajjsarayassna. Jan ajjsarayasisa uka aparatonak toqnam predicañatakejja, aka ewjjtʼanakaw yanaptʼistani.

KUNJAMSA UK LURSNA

• Jan ajjsarayasiñäniti. Camaranïpki jan ukajj intercomunicadoranïpki uka jaqenakat waljanejj testigonakamp parltʼasiñ wal munapjje.

• Yaqhep camaranakajja, janïr timbre toctʼkisanwa grabañ qalltjje. Ukhamajj uta punkur jakʼachʼasktan ukhajj sumwa istʼasipkistaspa, sumwa uñjasipkarakistaspa.

• Uka aparatonakat contestanipkani ukhajja, kusisitaw parltʼañasa, kunjamtï predickasin parltʼirïktan ukhamwa parltʼañasaraki, jupar uñjkasas parltʼksna ukhama. Utat mistunispäna ukhajj kunjamsa predikiriskayätan ukhamwa predicañasa. Janiw camararojj sint jakʼachasiñasäkiti. Utanitï jan contestankistani ukhajj janiw mä mensaje jaytañasäkiti.

• Utanimp parltʼañ tukuyjjañäni ukhasa, utanejj uñjasinkakistaspawa jan ukajj istʼasinkakistaspawa, jan uk armasiñäniti.