¿Kunsa Moisesan Leyipan lepra usut yateqtanjja?

13:4, 5, 45, 46, 52, 57

¿Lepra usutak leyinakajj utjkäna ukanakajj kunjamsa Jehová Diosamp sum apasiñatak yanaptʼistu?

• Khitinakas lepra usunïpjjäna uk kunjamatsa yatipjjaspa ukjja, sacerdotenakaruw Jehová Diosajj yatichäna. Jichha tiemponjja, khitinakatï Jehová Diosamp sum apasiñatak yanaptʼa munapki ukanakarojj jankʼakiw jilïr irpirinakajj yanaptʼapjje (Snt 5:14, 15).

• Kunanakatï lepra usump qʼañuchatäkäna ukanakjja, israelitanakajj qʼal nakhantayapjjañapäna, ukhamat lepra usojj jan jukʼamp saratatañapataki. Jichha tiemponjja, cristianonakajj kunanakatï juchar purtʼasiykistaspa ukanak qʼal apanukuñasawa, wali munatäkipansa apanukuñasawa (Mt 18:8, 9). Ukanakajj akanakäspawa: kunanak lurañatï gustkistu ukanaka, amigonakasa, kunanakampitï kusistʼktan ukanaka.

¿Kunjamsa Jehová Diosan yanaptʼap cheqapun munatas uñachtʼaysna?