Qhep qhepa urunakan jakaskasajj wakichtʼatäsipkakiñäni

Niyakejjay qhep qhepa urunakar jukʼamp jakʼachasiskstanjja, jan walinakajj jiljjattaskakiniwa (2Ti 3:1; Mt 24:8). Diosan markapajja, jan waltʼäwinakajj (desastres naturales) utjki ukhajj kunsa lurañasa uka toqet parlir ewjjtʼanakwa churistu, ukanakajj jan jiwañatakiw yanaptʼistaspa. Ukhamasti jichhatpachaw istʼasirïñasa, kunanaktï necesitkañäni ukanaksa utan wakichtʼjjañasa. Maysa toqetjja, Diosar jukʼamp confiyañatakiw wakichtʼasiñasa, ukanakaw mä jan waltʼäwejj utjkani ukhajj yanaptʼistani (Lu 16:10).

• Diosar jukʼamp confiyañatak wakichtʼasipjjañäni. Sapüruw Biblia liyiñasa, Bibliatsa sapak yatjjatañasaraki. Carta, teléfono jan ukajj yaqha ukhamanak toqe predicañatakis chʼamachasiñasawa. Janis jilat kullakanakampejj juntökchiñänejja, jan ajjsarapjjañäniti (Is 30:15, TNM). Jehová Diosasa Jesusasa jiwasampïsipkiwa uk janipun armapjjañäniti (od-S págs. 175, 176 párrs. 15-17).

• Kunanaktï necesitkañäni ukanak wakichtʼapjjañäni. Utanjja janiw mä mochila de emergenciakejj utjañapäkiti, jan ukasti manqʼañanaka, uma, medicamentonakajj imat utjañaparakiwa. Inas walja tiempo utat jan mistuñajj wakischini, ukhaw taqe ukanakajj yanaptʼistani (Pr 22:3; g17.5-S págs. 4, 6).

¿JAN WALTʼÄWINAKARU SAYKATAÑATAKEJJ WAKICHATÄTATI? SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 

  ¿Jan walinakan uñjasisajj Jehová Diosamp yanaptʼayasiñatakejj kunjamsa jichhatpach wakichtʼassna?

• 

  ¿Kunatsa jilïr irpirinakamp sum parltʼasiñajj wali importantejja?

• ¿Kunatsa mä qʼepi jan ukajj mä mochila de emergencia wakichañajj wali importantejja?

• ¿Kuna kasta jan waltʼäwinakas utjaspa, kunsa jan waltʼäwinakajj utjkani ukhajj lursna uka toqenakat parlañajj kunatsa importantejja?

• 

  ¿Kuna kimsa toqenakatsa jan walin uñjasirinakarojj yanaptʼsna?

AKHAM JISKTʼASIM: “Jan waltʼäwinakatak suma wakichtʼatäñajj kunja wakiskirisa uka toqet ¿kunsa COVID-19 (coronavirus) usu utjatapajj yatichitu?”.