CRISTIANJAM JAKAÑATAKI

Alcoholani umañanakat wal amuyasipjjañäni

Alcoholani umañanakat amuyasipunim sat videon mä cheqapaw uñstaski. Pä laka chʼakhani mä asiruw mä copat mistuski, mä jaqew uka copa katuski.

Taqe cristianonakaw alcoholani umañanak sint umañat amuyasiñasa (Pr 23:20, 29-35; 1Co 6:9, 10). Umtʼañ amtkañäni ukhajja, janiw jilamp umañasäkiti, ni umjayir umañanakarus yatintañasäkiti. Janirakiw mayninakarojj juchar purtʼasiyañsa jan ukajj Diosat jitheqtayañsa munktanti (1Co 10:23, 24; 1Ti 5:23). Cheqas janiw khitirus umañapatak obligañasäkiti, yamas janipuniw wayn tawaqonakarojj umapjjañapatak chʼamañchañasäkiti.

ALCOHOLANI UMAÑANAKAT AMUYASIPUNIM SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

Jakasktan uka cheqan alcohol umañ toqet leyinakatï utjchejja, ¿kunatsa uka leyinakar istʼañasa? (Ro 13:1-4).
Mayninakatejj umayañ munapjjestani ukhajj ¿kunatsa jan istʼañasäki? (Ro 6:16).
¿Kuna jan walinakantï alcohol umasajj uñjasipki uka pachpan jan uñjasiñatakejj kunsa lursna?