Yateqerinakajj kunjamäsipkisa uk amuyañäni

Sinttʼasiri mä jaqejja, maynejj kunsa amuyi, kunjamäskisa, kunarus valoranit uñji, kunsa muni ukanakwa amuyi. Jaqenakat sinttʼasktan ukhajj qhanaw amuyasi. Maynir cheqapun yanaptʼañ munstan ukhajja, jupat sinttʼasiñäniwa. Predicacionan sinttʼasirïktan ukhajja, Jehová Diosat yateqasitaswa uñachtʼaytanjja, jupajj wali munasiriwa. Sinttʼasirïktan ukhajja, jaqenakajj Diosar uñtʼañwa munapjje (Flp 2:4).

Janiw Bibliat yatichasakejj sinttʼasirïtas uñachtʼayktanti. Jan ukasti, mayniru atencionampi munasiñampi istʼktan ukhaw uñachtʼayaraktanjja. Parlatasansa ajanusansa qhanaw amuyasiraki. ¿Kunjamanakatsa uñachtʼayaraksna? Maynit cheqapun llakisisa, kunas gusti, kunarus creyi, kunjamanakansa jakasi ukanak amuyasa, ewjjtʼasa, yanaptʼasa, ukampis cambiañapatak jan obligasa. Predicktan uka jaqenakajj yanaptʼayasiñ munapki ukhajja, jukʼamp kusisitaw prediktanjja.

JESUSAN DISCIPULOPAR TUKUYAÑAJJ KUSISKAÑAWA. SUM YATICHAÑATAKI CHʼAMACHASIÑÄNI: YATEQERINAKAJJ KUNJAMÄSIPKISA UK AMUYAÑÄNI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 

  Rositajj qheptʼat purinkäna ukhajj ¿kunjamsa Ritajj Rositat sinttʼasitap uñachtʼayäna?

• 

  “Wali estresatätwa” sasin Rositajj siskäna ukhajj ¿kun lurasas Ritajj sinttʼasirïtap uñachtʼayäna?

• 

  ‘Organiztʼasiñaw nayar faltitu’ sasin Rositajj siskäna ukhajj ¿kunjamsa Ritajj sinttʼasirïtap uñachtʼayäna?