BIBLIAN SUMA YATICHÄWINAKAPA

Jehová Diosar taqe chuyma istʼapjjañäni

Caleb chachajj waynatpachaw Jehová Diosarojj taqe chuyma istʼäna (Jos 14:7, 8).

Caleb chachajj jilïrëjjchïnsa Jehová Diosajj kuntï arski uk phoqañatakejj yanaptʼitaniwa sasaw confiyäna (Jos 14:10-12; w04-S 1/12 pág. 12 párr. 2).

Caleb chachajja, taqe chuyma Diosar servitap laykuw herencia katoqäna (Jos 14:13, 14; w06-S 1/10 pág. 18 párr. 11).

Fotonaka: Diosar taqe chuyma servir edadani mä kullakaw uñstaski. 1) Jupajj oración lurañatakejj mä thujrumpiw qontʼañatak yanaptʼayasi. 2) Tawaqo mä kullakampiw carritompi predicaski. 3) Congregacionapankir pä jiskʼa wawanakaruw fotonak uñjjatayaski. 4) Kullakajj wali kusisitäskiwa.

Caleb chachajja, Diosan instruccionanakap istʼasasa bendicionanakap katoqasasa jukʼampiw Jehová Diosar confiyäna. Jiwasanakajj kunapachatï Diosajj oracionanakas istʼatap amuyktan, yanaptʼatapsa uñjaraktan ukhajja, juparojj jukʼampiw serviñ muntanjja (1Jn 5:14, 15).