SUM YATICHAÑATAK CHʼAMACHASIÑÄNI | BIBLIAT YATICHASAJJ JUKʼAMP KUSISITÄÑATAK CHʼAMACHASIÑÄNI
Bibliat yateqerinakar tantachäwinakar jutapjjañapatak yanaptʼañäni
Congregacionamp chika tantachasiñajja, Jehová Dios saparuk adorañatakejj wali importantewa (Sl 22:22). Jehová Diosar adorañataki tantachasirinakajja, kusisitäpjjewa walja bendicionanakwa katoqapjjaraki (Sl 65:4). Tantachäwinakar jan faltasis sariri Bibliat yateqerinakajja, jankʼakiw Diosar serviñan nayrar sartapjje.
¿Kunjamsa yateqerinakamarojj tantachäwinakar sarapjjañapatak yanaptʼasma? Kutin kutin tantachäwinakar invittʼam. ¿Kunjamsa tantachäwinakajj apasi? sat video uñtayam, kunjamsa tantachäwinakar sarañajj yanaptʼani uk qhanañchtʼarakim (lff 10 yatichäwi). Kunsa tantachäwin yateqta ukwa cuenttʼasma, jan ukajj kuna toqetsa jutïr tantachäwin parlani ukwa sarakisma. Kuna qellqatanakatsa tantachäwin yatjjatasini ukanak churam, tantachäwir sarañapatak irptir saram. Bibliat yateqerejj nayrïr kuti tantachäwir sarkani ukhajja, kuntï jupa layku lurawaykta ukajj jan inamayätapwa amuyäta (1Co 14:24, 25).
BIBLIAT YATEQERINAKAR YANAPTʼAÑÄNI... TANTACHÄWINAKAR JUTAPJJAÑAPATAKI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
¿Kunjamsa Ritajj Rositar tantachäwinakar invittʼäna?
Bibliat yateqerisajj tantachäwinakar jutki ukhajja, ¿kunatsa wal kusistanjja?
“Cheqapuniw Diosajj jumanakampïski”.
¿Kunjamsa Rositajj nayrïr tantachäwipar sarasajj jikjjatasïna?