Jan wali ukat jukʼamp kuns muniri warmejj castigataw uñjasi

Atalía warmejj Judá marka apnaqañatakejja, reyïpjjañapajj waktʼkäna taqe ukanakaruw jiwarayäna (2Re 11:1; it-1-S pág. 246; “‘Acab chachan familiapajj taqeniw jiwarapjjani’ [2Re 9:8]” sat recuadro liytʼäta).

Jehoseba sat warmiw trono katoqañapäkäna uka Jehoás sat yoqall wawar imantäna, ukhamatwa jupar jiwañat salväna (2Re 11:2, 3).

Jehoiadá sacerdotew Jehoás sat yoqall wawarojj reyit uttʼayäna, Atalía warmir jiwayapjjañapatakiw ordenarakïna, Acab reyin familiapat inas jupa sapak jiltʼchïna (2Re 11:12-16; it-1-S pág. 247 párr. 1).

LUPʼIÑATAKI: ¿Kunjamsa uka sarnaqäwejj kuntï Proverbios 11:21 ukat Eclesiastés 8:12, 13 textonakajj siski ukan cheqätap uñachtʼayi?