BIBLIAN SUMA YATICHÄWINAKAPA

Templon Diosar adorañajj suma organiztʼatänwa

David reyejj levitanakaru ukat sacerdotenakaruw templon servipjjañapatak organiztʼäna (1Cr 23:6, 27, 28; 24:1, 3; it-2-S pág. 214 párr. 1; pág. 893 párr. 1).

Templon servipjjañapatakejj wali yatjjattʼat musiconakaru, ukhak yateqasipkäna uka musiconakaruw uttʼayasïna (1Cr 25:1, 8; it-2-S pág. 443 párr. 1).

Yaqhep levitanakarojj porterot servipjjañapataki, contribución uñjapjjañapataki, ukat yaqha luräwinakat encargasipjjañapatakiw uttʼayasïna (1Cr 26:16-20; it-2-S pág. 684 párr. 1).

Tantachäwi janïr qalltkipanwa jilat kullakanakajj Tantachasiñ Utankasipki. 1. Jupanakajj maynit maynikamaw arunttʼasisipki. 2. Mä jilatajja, tableron uchatäski ukwa mä kullakar uñachtʼayaski. 3. Mä kullakajja, contribución cajaruw qollqe uchaski. 4. Mä jilataw Bibliat apstʼat qellqatanakajj utjki ukan mä kullakar mä qellqat churaski. 5. Mä jilatasti, plataformanwa micrófono uchaski. 6. Mä jilataw jiskʼa yoqall wawapampi Tantachasiñ Uta qʼomachaski.

Jehová Diosarojj taqe kunas suma organiztʼatäñapaw gusti, ukatwa jupajj suma organiztʼat adorañas munaraki (1Co 14:33).

LUPʼIÑATAKI: ¿Jehová Diosarojj suma organiztʼataw jichha tiempon adoraraktanjja sasajj kunatsa sissna?