Lupʼitanakasajj Diosar taqpach chuymamp servitas uñachtʼaypan

Diosar taqpach chuymampi servitasajj janiw kunanaktï lurktan, parlktan ukanakanak qhanäñapäkiti, jan ukasti lupʼktan ukansa qhanäñaparakiwa (Sl 19:14). Ukatwa Bibliajj kunatejj cheqäki, kunatejj wakiskirïki, kunatejj cheqapäki, kunatejj qʼomäki, kunatejj munkañäki, kunatejj respetomp uñjatäki, kunatejj sumäki, kunatejj jachʼañchkañäki taqe ukanakat amuytʼasipkakim sasin ewjjtʼistu (Flp 4:8). Cheqas awisajj jan wali amuyunakajj pʼeqesar jutaspawa. Ukampis jiwasatï munañanakasampi jan apnaqayaskañäni ukhajja, uka jan wali amuyunak pʼeqesat apsuñäniwa, ukatsti kunatï Dios nayraqatan sumäki ukanakampiw cambiañäni. Diosar taqpach chuymampi servitas lupʼitanakasans uñachtʼayañäni ukhajja, sarnaqatasansa Diosar taqpach chuymamp servitas uñachtʼayaskakiñajj facilakïniwa (Mr 7:21-23).

Kuna jan wali amuyunakatsa jarkʼaqasiñasa, uk aka aynachan uñstki uka textonakan aynachapar qellqtʼam:

Ro 12:3

Lu 12:15

Mt 5:28

Flp 3:13