Taqe cheqanwa jaqenakajj uñisita uñjasipjje
Taqe jaqenakarojj uñisiñaw jan waltʼayi.
Internetansa noticianakansa, uñisisiña utjatapat jukʼampinakaw istʼasi. Jaqenakajja Internet toqe, correonak toqe ukat yaqha ukhamanak toqew yaqhanakar uñisipjjatap uñachtʼayapjje. Ukhamarusa waljaniw yaqhachata, ajjsarayata, jiskʼachata, jan waltʼayata, ukat yaqha ukham jan walinakan uñjasipjje. Uñisisiñajj taqe cheqanwa utjaraki.
Kunjamsa uñisisiñajj chhaqtaspa ukwa aka revistajj qhanañchi. Ukajj cheqapuniw phoqasini, niyaw oraqpachan phoqasiski, wiñayatakirakïniwa.