Yatjjatañatak yanaptʼanaka

Jehová Diosajj kunjam chuymanisa uka toqet jukʼampinak yatjjatam

Biblia liytʼktan uk sum amuyañatakejja, jukʼampiw yatjjatsna. Ukampis janiw aleq jukʼamp yatiñatakik yatjjatañasäkiti. Antisas Diosajj kunjam chuymanisa uk jukʼamp sum yatiñatakiw yatjjatañasa, ukaw jupar jukʼamp munasiñatak yanaptʼistani. Ukatakejj akham sasaw jisktʼassna: “¿Kunsa aka versiculojj Jehová Diosat yatichitu?” sasa.

Akwa lurasma: kawkïr versiculonakas Jehová Diosan munasirïtapsa, yatiñanïtapsa, cheqapar uñjirïtapsa, chʼamanïtaps jukʼamp qhanstayi ukwa thaqtasma. Ukampis ukanakat sipans jukʼampinakaw utji. ¿Kawkinsa uka toqenakat jukʼamp yatjjatasma?

Jehová Diosajj kunjam chuymanisa uk jukʼamp yatiñatakejja, Índice de las publicaciones Watch Tower sat cheqaruw mantasma, “Jehová” siski uka cheq thaqtasajja, “Cualidades por nombre” siski uka cheqaruw mantasma, ukanjja Diosajj kunjam chuymanisa uka toqet 50 jila kutiw parlasi. Biblia liykasajj kawkïris uka listat yanaptʼiristam uk ajllim ukat liytʼarakim (inas Jehová Diosan Testigonakapan Bibliat yatjjatapjjañapataki siski ukak utjstam, ukhamächi ukhajja, “Jehová” siski uka cheq uka libron thaqtam, ukatjja “Jehová Diosajj kunjam Diosasa” siski uka pʼeqeñchäwi thaqtarakim).