Dibujonakampi fotonakamp yateqapjjañäni

Kunatï wakiski uk yateqañasatakejj walja dibujonakampi fotonakampiw utji. ¿Kunjamsa ukanakamp yanaptʼayassna?

• Janïr mä yatichäwi yatjjatkasajj kuna dibujonakasa kuna fotonakas utji ukwa uñakiptʼañama. Ukaw jukʼamp liytʼañatakisa yatjjatañ munañatakis yanaptʼiristam. Mä suma manqʼa uñjasajja, jankʼakiw uka manqʼa manqtʼasiñ muntanjja, ukhamarakiw mä qellqatan dibujonaka fotonak uñjasajj jukʼamp liytʼañ munasma. Ukhamajj mä yatichäwi janïr liytʼkasajj akham sasaw jisktʼasisma: “¿Kuna dibujosa jan ukajj fotos akan utji?” sasa (Amós 7:7, 8).

• Mä yatichäwi liytʼkasajj kunatsa uka fotosa jan ukajj dibujos ukar uchasi uk amuytʼam. Qhanañchtʼañatak mä qhawqha arunakanïchi ukhajj liytʼañamawa. Kunjamsa mä dibujosa jan ukajj mä fotos liytʼkta ukar yanaptʼi, kunsa yatichtam uk amuytʼam.

• Mä yatichäwi liytʼañ tukuyasajja, fotonaka jan ukajj dibujonak wasitat uñjjattʼasaw wakiskir puntonak repastʼasma. Ukat chʼirmthapisajja, dibujonaka jan ukajj fotonak amtañataki, kuntï yateqkta uk amuyañatak chʼamachasim.

• Yateqawaykta ukanak amthapiñatakejja, aka revistan dibujonakapa fotonakap wasitat uñjjatam.