“Istʼasirïñ yateqäna”

Jesusajj Jehová Diosar istʼapunirïnwa (Juan 8:29). Ukhamajj ¿kunatsa “tʼaqesiñanakan uñjasitap laykuw istʼasirïñ yateqäna” sasin Bibliajj Jesusat sispacha? (Heb. 5:8).

Jesusajj aka oraqenkkasajja, imperfecto awk taykaparuw istʼañapäna, jupanakajj wal Jehová Diosarojj munasipjjäna (Luc. 2:51). Jan sinttʼasir religión pʼeqtʼirinakasa, ina chʼusat juchañchir gobernantenakas Jesusar wal tʼaqesiyapjjäna (Mat. 26:59; Mar. 15:15). Ukat jupajj “humillasïnwa, jiwañkamarakiw Diosarojj istʼäna”, cheqas wali tʼaqesiyataw jiwäna (Filip. 2:8). Aka oraqenkkasakiw ukhamanakan uñjasïna, janiw alajjpachan ukhamanakan uñjaskaspänti.

Ukhamanakan uñjasiñajja, Jesusajj yaqha toqenakanwa istʼasirïñ yateqäna. Ukatwa jichhajj perfecto Reyisjamasa Jachʼa Jilïr Sacerdotesjamas wali sum entiendistu (Heb. 4:15; 5:9). Tʼaqesiñanakan uñjaskasin istʼasirïtapatjja, Jehová Diosajj wali valoranitwa Jesusar uñji. Jiwasatï jan walinakan uñjasisin istʼasirirakïñäni ukhajja, ukhamarakiw Jehová Diosajj wali valoranit uñjistani (Sant. 1:4).