Qhanañchäwi

d Jerjes I reyejj colerasiri ukat qhoru jaqet uñtʼatänwa. Griegonakan sarnaqäwipat Heródoto sat qellqerejja, Grecia contra nuwasiñatak campaña lurkäna uka toqenakat parlkasajja, kunjam jaqënsa uka reyejj ukwa mä qhawqha qhanañchtʼi. Mä kutejja, estrecho del Helesponto ukanwa barconak patnam mä puente lurayäna. Ukat mä jachʼa thayaw uka puente allthapïna, ukatwa wal colerasisin ingenieronakar jiwarayir khitäna ukat jachʼat artʼasisaw umar maldecïna ukat jawqʼjäna. Uka pachpa campañanjja, mä qamir jaqew yoqapan cuartelar jan sarañapatak achiktʼasïna, ukat reyejj taqenin yatipjjañapatakejj uka waynan cuerpop payar jaljas uñachtʼayapjjañapatakiw mä orden churäna.