Qhanañchäwi

a Jehová Diosar walja maranak serviri mä jilataru jan ukajj mä kullakar inas akham siri istʼirista, ‘aka jan wali pachan walja jaya maranak utjaskakiñap janiw suykayätti’ sasa. Jehová Diosajj jankʼaki aka jan wali pachar tukjañap taqeniw muntanjja, yamas aka jan wali urunakan walpun uk muntanjja. Ukampis paciencianïñwa yateqañasa. Aka yatichäwinjja, Biblian wiñay yatichäwinakapajj kunjamsa suytʼañatak yanaptʼistaspa ukanakatwa waljanak yatjjataskañäni. Ukatjja kunanakansa Jehová Diosan lurañapkam pacienciampi suytʼañasa, ukanakwa paya uñjaskarakiñäni. Tukuyarusti pacienciampi suytʼirinakajj kuna bendicionanaksa katoqapjjani ukwa uñjarakiñäni.