Qhanañchäwi

a Jehová Diosajja, Zacarías profetarojj musparkañ visionanakwa uñjayäna. Israelitanakajj Jehová Dios saparuk wasitat adorasjjañapatak chʼamachasisipkäna ukhajja, kunayman jan walinakanwa uñjasipjjäna, ukhaw uka visionanakajj Zacarías profetarusa Diosan markaparus uka jan waltʼäwinakar saykatañatak chʼam churäna. Jiwasajj jan walinsa uñjaskchiñänejja, uka visionanakaw Jehová Diosar jan jitheqtas serviñatak yanaptʼarakistaspa. Zacarías profetajj mä candelabrompi pä olivo qoqanakampi mä visionan uñjkäna ukanakat kunanaksa yateqsna ukanakwa aka yatichäwin yatjjataskañäni.