Qhanañchäwi

a 2023 maratak ajllisiwayki uka textojja, Diosar jukʼamp confiyañatakiw yanaptʼistani. Uka textojj Salmo 119:160 qellqatat apstʼatawa, ukan akham siwa: “Taqpach arunakamajj cheqawa” sasa. Uka arunakajj jiwasatak cheqäskapuniwa. Ukampis walja jaqenakajja, Bibliajj cheq parlatapsa ewjjtʼanakapajj jiwasar yanaptʼirïtapsa janiw creyipkiti. Aka yatichäwinjja, suma chuymani jaqenakarojj Bibliampiru ewjjtʼanakapampir confiyapjjañapatakejj kunjamsa yanaptʼsna ukwa kimsa toqet yatjjataskañäni.