Qhanañchäwi

a Diosat jan jitheqtiri Job chachar kimsa amigonakapajj jiskʼachapjjäna ukhajja, jupa pachpatakwa sint llakisïna. Qalltan wawanakapa utjirinakap qʼal aptʼaskäna ukhajja, jupajj “janiw juch lurkänti, janirakiw Diosarus juchañchkänti” (Job 1:22; 2:10). Ukampis jan walinaksa lurkaspa ukham jupar juchañchapjjäna ukhajja, jan sum amuytʼasisaw parlañ qalltäna, jan razonaniw parljjarakïna. Diosan sutip jachʼañchañat sipansa, jupa pachp arjjatasiñakiw nayrankjjäna (Job 6:3; 13:4, 5; 32:2; 34:5).