CANCIÓN 139
Jutïrpachanjja, ¿kunjamas jakasjjañäni?
1. Jutïrpachan jumas nayas
wali sumaw qamasipjjañänejj.
Taqe kunas machaqäniw,
uk lupʼiñajj kusisiyistuw.
Jehová Diosaw Reinop toqejj
jan walinak qʼal chhaqtayjjanejj.
Aka oraqes sumaptayatäniw.
Ukhaw chuymatpach
akham sas cantañänejj:
(KUTJJATAÑATAKI)
“Wali sum lurtajj taqe kuns, Jehová.
Yoqam toqew machaqar tukuytajj.
Taqe chuymapuniw jumar yuspärapjjsmajj,
jumarukiw jachʼañchasiñapajj, Jehová”.
2. Jutïrpachan kunjamänis
jakasiñajj uk uñtapjjañasaw.
Ukapachanjj sustjasiñas
ajjsarañas chhaqtawayjjaniw.
Diosajj siskän ukhamäniw.
Jehová Diosajj jiwasampïniw.
Jiwatanakas jaktayatäpjjaniw,
jupanakampiw
akham sas cantañänejj:
(KUTJJATAÑATAKI)
“Wali sum lurtajj taqe kuns, Jehová.
Yoqam toqew machaqar tukuytajj.
Taqe chuymapuniw jumar yuspärapjjsmajj,
jumarukiw jachʼañchasiñapajj, Jehová”.
(Uñjjattʼarakismawa Sal. 37:10, 11; Isa. 65:17; Juan 5:28; 2 Ped. 3:13.)