Janiw llakimp aynachtʼkänti. Antisas trabajopan taqe kuns sum lurañatakiw chʼamachasïna, ukham luratapatjja, Jehová Diosajj bendicïnwa. Potifar chachajj uk amuyänwa. Jehová Diosajj Joseyar bendicitap laykuw jupajj nayrar sartaskäna, uksa amuyarakïnwa. Ukat jukʼat jukʼatwa Potifarajj Joseyar confiyjjäna, qhepatsti Joseyaruw taqe yänakapjjaru uttʼayjjäna (Génesis 39:3-6).

Joseyat parltʼaskakiñäni. Jichhajj Joseyajja, suma uñnaqtʼani chʼamani waynäjjewa. Ukampis suma uñnaqtʼanïtap laykojj jan wali amtampi uñchʼukir jaqenakas utjarakiwa.