4:10-15

Moisesajj Jehová Diosan yanaptʼapampiw ajjsarañar atipjäna. ¿Kuntï Jehová Diosajj Moisesar siskäna ukat kunsa yateqsna?

• Janiw kuntï jan lurirjamäktan ukanakat sinti llakisiñasäkiti.

• Diosan markapan kuna lurañanakatï utjkistu uk phoqañatakejj Jehová Diosaw yanaptʼistani, ukat janiw pächasiñasäkiti.

• Jiwasatï Jehová Diosar confiyañäni ukhajja, janiw jaqenakar ajjsarkañäniti.

Kuntï Diosajj maykäna uk janis phoqerjamäkaspa ukhamwa Moisesajj qalltan amuyasïna (Éx 4:10, 13). ¿Jumajj ukham jikjjatasirakirïtati? ¿Jehová Diosan Testigonakapampit Bibliat yatjjataskta? ¿Nayajj utat ut predikañ puediristti sasinti jisktʼasta? ¿Waynitüskatama jan ukajj tawaqetäskatam laykut escuelan predicañ ajjsarayasta? ¿Telefonot yatiyañasa jan ukajj yaqha ukhamanakan yatiyañas jumatak chʼamakiti? Ukhamächi ukhajja, Jehová Diosar espíritu santop mayim, ukhamat jumar yanaptʼañapataki (1Pe 4:11). Kun lurañtï katoqkäta uk phoqañatakejj Diosaw yanaptʼätam, janiw ukat pächasiñamäkiti (Éx 4:11, 12).