• “Arkämaw kawkharutï sarkäta ukharu”
    Jupanakjam iyawsäwinïpjjañäni

    • 23. ¿Kuna toqetsa Rut warmejj llakisïna, ukat pobrenakar yanaptʼañatakejj kamsänsa Leyinakajja? (Qhanañchäwip uñjjattʼäta.)

      23 Jukʼat jukʼatwa uka pä warminakajj Belén markan yatinoqtapjjäna. Rut warmejj kunjamsa jupa pachpasa ukat Noemí suegraparus uñjani uka toqetwa llakisïna. Ukampis Jehová Diosajj israelitanakar Leyinak churkäna ukarjamajja, yapu apthapisajj janiw taqe apthapipjjañapäkänti, jan ukasti pobrenakatakiw thiyanakjja (qawaya) jiltʼayapjjañapäna, ukwa Rut warmejj yatjjatäna. Yapu apthapiñ horasajj purinjjäna ukhajja, pobrenakajj yapu apthapirinakan qhepapwa kuntï jiltʼayapkäna uk apthapisis sarapjjañapäna. Ukat yapu esquin thiyanakan achkäna ukanaksa apthapipjjarakispänwa (Lev. 19:9, 10; Deu. 24:19-21).b

      24, 25. Booz sat chachan oraqepar purisajja, ¿kunjamsa Rutajj irnaqañ qalltäna, ukat cebada yawthapirinakan qhepap apthapisis sarañajj kunjamakïnsa?

      24 Cebada apthapiñ horasäjjewa (calendariosarjamajj abril phajjsipachänwa). Inach khitis yapujan apthapisiskam sitani sasaw Rutajj irnaqer mistuwayäna. Ukat jan yatkasaw Booz sat chachan oraqepan irnaqañ qalltäna, jupajj jachʼa oraqenïnwa ukat Noemin jiwir chachapan parienteparakïnwa. Leyirjamaw Rutajj cebada jiltʼanak apthapisiskakisapäna, ukampis cebada apthapiyir waynaruw apthapisiñatak rogtʼasïna. Jupasti apthapisiskakim sasaw säna, ukat Rutajj jankʼakiw apthapisiñ qalltäna (Rut 1:22–2:3, 7).

  • “Arkämaw kawkharutï sarkäta ukharu”
    Jupanakjam iyawsäwinïpjjañäni

    • b Moab markanjja, janiw uka kasta yanaptʼasiñajj utjkänti. Nayra Oriente Próximo sat cheqanjja, janiw viuda warminakajj suma uñjatäpkänti. Uka toqet mä qellqatajj akham siwa: “Mä viudajja, jilapartejj wawanakapan uñjatakëjjänwa. Ukat jan wawaninakajj jakañatakejj esclavjama jan ukajj jan wali sarnaqer warminakjamaw sarnaqapjjañapäna, jan ukasti jiwjjapjjañapakïnwa” sasa.