1, 2. 1) ¿Kunanaksa Rutajj luräna? 2) ¿Kunas Diosan Leyinakapata ukat markapata Rutar wal muspharayäna?

CEBADA yawthapit montón jakʼaruw Rutajj qonqortʼasïna. Jaypʼuntjjatapatwa walja irnaqerinakajj qollu patan jikjjataskäna uka Belén jiskʼa markar kuttʼapjjäna. Rutajj jornalpach irnaqasaw wali qarit jikjjataspachäna. Ukampis lurañanakapajj utjaskakïnwa. Jichhajj cebada apthapkäna uk jawqʼsuñapänwa. Ukampis uka urojj jupatakejj wali suma urupunïnwa, janiw ukhamäniw siskpachänti.

5, 6. 1) ¿Kunsa Rutajj Booz chachan oraqepan irnaqasajj jikjjatäna? 2) Rutar uñjasajja, ¿kunjamsa Noemejj jikjjatasïna?

⁵ Rutajj cebada jawqʼsuñ tukuyjjäna ukat granonak apthapjjäna ukhaw waljätap amuyasïna. Niya 14 kilonakänwa. Ukhamajj mä mantelar chintʼasaw pʼeqe patjjar taqe ukanakak appachäna. Ukat arumthapkipanjja, Belén markaruw kuttʼawayjjarakïna (Rut 2:17, NM).