Awisaxa, qhawqtï munapki ukakwa israelitanakax churapxañapäna. Amuytʼañataki, kunapachatï David reyix Jehová Diosatak mä templo lurañ amtkäna ukhaxa, markapankirinakax ‘phisqa waranqa [valorani] quri’ churapxäna (1 Crónicas 29:7, NM).a Aka Uraqir jutasax kuntï Jesusax uñjkäna uk amuytʼañäni. Jesusax “mä pobre ijma warmiru pä jiskʼa cobret lurat qullqi [templonkir cajar] uchir uñjarakïna”. ¿Qhawqha qullqsa churpachäna uk amuysnati? Jïsa, mä uru jurnäl irnaqatat pago katuqatäki ukhäñapatakixa ¡suxta tunk pusini kutiw ichuntañapäna! Ukham jukʼitaksa ichuntkchïnxa Jehová Diosarux kusisiyänwa siw Jesusaxa (Lucas 21:1-4).