Mardoqueon jan altʼasitapatjja, Amán chachajj walpun colertʼasïna, ukat kunjamsa juparusa, taqpacha judionakarus tukjaspa uk amtäna. Qalltañatakejja, Asuero reyiruw judionakat jan walinak parlir sari, ukampis janiw sutinak aytkiti. Jupajj akham siwa: “Mä markaw utji yaqha jakasiri mayninakat sipansa [...] janirakiwa juman arsutamarusa Jachʼa Rey, phoqhañ munapkarakiti” sasa. Ukatsti uka markan tukjatäñapatakejja, reyin palaciopan qollqe imasiñapatakiw walja qollqe churañ arsuraki.c ¿Kamspachänis reyejja? Reyisti ukarjam lurañapatakiw permiso churi ukat kuna leyti apsuñ wakischini uka leyinak sutipjjar apsuñatakiw sellañataki anillop churaraki (Ester 3:5-10).