Bibliat yateqañajj yanaptʼistaspawa, ukampis yateqañajj chʼamakïspawa. Inas awisajj ‘¿Bibliat yateqañ puediskakïti?’ sasin jisktʼassta. ¿Kunatsa chʼamachasiñamajj wakisi? ¿Jan walinakan uñjaskasas kunas Bibliat yateqaskakiñatakejj yanaptʼiristam?

1. ¿Kunatsa Bibliat yateqañajj wali wakiskirejja?

“Diosan arupajj jakkiriwa, wali chʼamanirakiwa” (Hebreos 4:12). Biblianjja Diosan amuyunakapa ukhamarak jupajj qhawqsa jumar munastam ukanakaw qellqatajja, ukatwa Bibliarojj wali valoranit uñjtanjja. Bibliat yateqañajj janiw jukʼamp yatiñanïñatak mayakejj yanaptʼkätamti, jan ukasti suma amtanakar puriñatakisa jutïritak mä suma suytʼäwinïñatakis yanaptʼarakïtamwa. Maysa toqetjja, Bibliajj Jehová Diosan amigopäñatakiw yanaptʼätam, ukaw jukʼamp importantejja. Bibliat yateqañajj jukʼamp sum jakasiñatakiw yanaptʼätam.

2. ¿Kunatsa Biblian cheqa yatichäwinakap wali valoranit uñjañasa?

Biblian yatichäwinakapajj wali valorani yänakar uñtatawa. Ukatwa Biblia pachpajj akham sistu: “Kunatï cheqäki uk alasim, janipun aljamti” sasa (Proverbios 23:23). Biblian cheqa yatichäwinakapajj wali valoranïtap amuyañäni ukhajja, jan walinakan uñjaskasas Bibliat yateqañatakejj chʼamachasiskakiñäniwa (Proverbios 2:4, 5 liytʼäta).

3. ¿Bibliat yateqaskakiñamatakejj kunsa Jehová Diosajj lurani?

Jehová Diosajj taqe kun Luriri Diosawa, ukatjja juman amigomarakiwa. Jumarojj sum uñtʼtamjja, jupar jukʼamp uñtʼañamatak yanaptʼañsa munaraktamwa. Diosarakiw ‘munañap lurañ munañamatakisa phoqañamatakisa chʼam churiristamjja’ (Filipenses 2:13 liytʼäta). Desanimatäkäta ukhajja Diosaw Bibliat yateqañatakisa jan ukajj kuntï yateqkta ukarjam sarnaqañatakis yanaptʼätam. Jan walinakar atipjañatak yanaptʼa munkäta ukhasa, mayninakajj Bibliat yateqañ jarkʼapkätam ukhasa jupaw yanaptʼaskarakïtam. Ukhamajja Bibliat yateqaskakiñatakejj Jehová Diosar yanaptʼa mayisiskakim (1 Tesalonicenses 5:17).

JUKʼAMP YATJJATAÑÄNI

4. Jumatakejj Bibliat yateqañajj wali importantëñapawa

Awisajj kunayman lurañanakaw utjistaspa, ukatwa Bibliat yateqañatakejj tiempojj jan utj-jjestaspati. ¿Kunsa ukhaman uñjasisajj lursna? Filipenses 1:10 liytʼasajja aka toqetwa parltʼapjjäta:

• Amuyatamarjamajja, ¿“jukʼamp importantëki” ukanakajj kunanakasa?

• Bibliat yateqañajj jumatak nayrankañapatakejja, ¿kunsa lurasma?

1. Jumatï mä jiskʼa balder nayraqat chʼalla phoqantäta, ukatsti walja qalanak uchañ munarakïta ukhajja, janiw taqpach qalanakajj mantkaniti.

2. Ukampis jumatï nayraqat qalanak uchantäta ukhajja, jiskʼa balderojj niya taqpach chʼallaw mantani. Jiwasatï “jukʼamp importantëki” uk jakäwisan nayrar uchañäni ukhajja, ukanak phoqañäniwa, yaqhanak lurañatakis tiempojj utjarakistaniwa.

Bibliat yateqañajj Diosat yatjjatañatakiw yanaptʼistani, mä arunjja Diosar jukʼamp uñtʼañataki jupar adorañatakiw yanaptʼistani. Mateo 5:3 liytʼasajja aka toqetwa parltʼapjjäta:

• Bibliat yateqañ nayrar uchañäni ukhajja, ¿kuna bendicionanaksa katoqañäni?

5. Mayninakajj Bibliat yateqañam jan munapkani ukhas yateqaskakim

VIDEO: Chʼamachasitajat bendicionanakwa katoqawayta (5:22)

• Francesco chachajj Bibliat yateqañ qalltkäna ukhajja, ¿mamapasa amigonakapas kamsapjjänsa?

• ¿Bibliat yateqañ jan jaytatapat kuna bendicionanaksa katoqäna?

2 Timoteo 2:24, 25 liytʼasajja aka toqetwa parltʼapjjäta:

• ¿Kunsa familiaranakamasa amigonakamas Bibliat yateqaskatamat amuyapjje?

• Liytʼktan uka versiculonakarjamajja, ¿mayninakajj Bibliat yateqañam jan munapkani ukhajj kunsa lurañama? ¿Kunatsa ukham amuyta?

6. Jehová Diosaw yanaptʼitani sasaw confiyañama

VIDEO: Jehová Diosaw cambiañatak yanaptʼistu (3:56)

• Uñtktan uka videorjamajja, ¿Diosan munañaparjam sarnaqañatakejj kunanakansa Jim chachajj cambiañapäna?

• ¿Kunas Jim chachan sarnaqäwipat jukʼamp musparaytam?

Hebreos 11:6 liytʼasajja aka toqetwa parltʼapjjäta:

• Khitinakatï ‘jupar taqe chuyma thaqapki’, mä arun jupar uñtʼañataki ukhamarak jupar kusisiyañatak chʼamachasipki ukanak laykojja, ¿kunsa Jehová Diosajj lurani?

• Bibliat yateqañatak chʼamachasitam uñjasajja, ¿kunjamas Jehová Diosajj jikjjataspacha?

¿KUNSA YATEQAWAYTAN?

Bibliat yateqañajj awisajj chʼamäkchinisa, yatjjataskakiñajj jutïrin wiñay kusisit jakasiñatakiw yanaptʼätam. Jumatï Jehová Diosar confiyaskakïta ukhajja, jupajj bendisïtamwa.

Amtañataki

• ¿Kunatsa jumajj Biblian cheqa yatichäwinakap wali valoranit uñjta?

• “Kunanakatejj jukʼamp importantëki” ukanakat amuytʼasajja, ¿kun lurañamas wakisispa?

• Bibliat yateqaskakiñatakejja, ¿kunatsa Jehová Diosar yanaptʼa mayiñama?

JUKʼAMP YATJJATAÑAMATAKI

Tiempo ina chʼusar jan aptʼasiñatakejj kunanakas waljanir yanaptʼawayi uk pusi toqet yatjjatam.

“Cómo invertir sabiamente el tiempo” (¡Despertad!, febrero de 2014)

Mä warmejj Diosatakjam sarnaqañ munäna, ukampis kunatsa jupajj ukham luräna uk janiw esposopajj amuykänti. Kunjamsa Jehová Diosajj uka warmir yanaptʼäna uk videon uñtam.

Jehová Diosaw jan walinakan chʼamañchtʼistu (5:05)

Kunjamsa mä warmin chʼamachasitapajj esposopar yanaptʼäna uk videon uñtam.

Kawkïris cheqa religionajj ukwa yatjjatta (6:30)

Jehová Diosan Testigonakapajj familianak pitthapirïpjjewa sasaw jaqenakajj sapjje. ¿Ukampis ukajj cheqäpachati?

“¿Separan los testigos de Jehová a las familias, o las unen?” (Artículo de jw.org)

Taqeniruw mä amtar puriñajj waktʼistu. Kuntï amtktan ukajja vidasan yanaptʼistaspawa jan ukajj jan waltʼayistaspawa. Ukatjja Jehová Diosampi sum apasiñatakiw yanaptʼistaspa, jan ukajj jupat jitheqtayarakistaspawa. Amuytʼañataki, kawkinsa jakañäni, kunjamsa qollqe jikjjatañäni, casarasiñäniti janicha ukanak amtañaw wakisispa. Jiwasatï suma amtanakar puriñäni ukhajja kusisitaw jakasiñäni, Jehová Diosarus kusisiyarakiñäniwa.

1. ¿Kunjamsa Bibliajj suma amtanakar puriñatakejj yanaptʼistaspa?

Janïr mä amtar purkasajja, Jehová Diosaruw yanaptʼa mayisiñasa. Kunsa Jehová Diosajj uka toqet amuyi uk yatiñatakejj Biblianwa yatjjatañasa (Proverbios 2:3-6 liytʼäta). Awisajja Jehová Diosajj qhana amuykañ mandatonakwa churistu, ukhamächi ukhajja istʼañasawa.

Ukampis Bibliantï qhana amuykañ mä mandatojj jan utjkchi ukhajja, ¿kunsa lurañasa? Jehová Diosaw sarañasäki “uka thaknam” irpaskistani (Isaías 48:17). Biblian wiñay yatichäwinakapampiw (principios bíblicos) jupajj yanaptʼistani. Biblian wiñay yatichäwinakapajja Jehová Diosajj kunsa amuyi, jaqenakan kawkïr luräwinakapas kusisiyi llakisiyaraki uk amuytʼañatakiw yanaptʼistu. Jilapartejja Biblia liyisaw kunsa Jehová Diosajj mä toqet amuyi uk yatsna. Jehová Diosajj kunsa amuyi uk yatiñajja, jupar kusisiykir amtanakar puriñatakiw yanaptʼistani.

2. ¿Janïr mä amtar purkasajj kuna toqenakatsa amuytʼasiñasa?

“Amuytʼasir jaqejja kunsa lurani uk sum amuytʼasi” sasaw Bibliajj qhanañchi (Proverbios 14:15). Uka arunakarjamajja janïr mä amtar purkasajj kunanaksa lursna uka toqenakatwa amuytʼasiñasa. Uka toqenakat amuytʼasajja akhamwa jisktʼasiñasa: “¿Biblian kawkïr wiñay yatichäwinakapas aka toqen yanaptʼitaspa? ¿Kun amtañas sum jikjjatasiñatak yanaptʼitaspa? ¿Kuntï amtkä ukajj mayninakarojj yanaptʼaniti, jan ukajj jan waltʼayanicha? Jukʼampisa ¿amtajajj Jehová Diosar kusisiyaniti?” sasa (Deuteronomio 32:29).

Kun lurañas walikïski kun lurañas jan walïkaraki uk sañatakejj Diosakiw derechonejja. Diosan leyinakapsa Biblian wiñay yatichäwinakapsa sum uñtʼañäni, ukarjam sarnaqañ amtarakiñäni ukhajja jukʼamp suma conciencianïñäniwa. Concienciasajja kun lurañas walikïski kun lurañas jan walïkaraki uk amuyañatakiw yanaptʼistu (Romanos 2:14, 15). Bibliarjam yatichata mä suma concienciajja, suma amtanakar puriñatakiw yanaptʼistani.

JUKʼAMP YATJJATAÑÄNI

3. Bibliampiw yanaptʼayasiñasa

VIDEO: Biblian yatichäwinakaparjam istʼasapuniw sarnaqañasa (5:54)

• ¿Kuna suma regalsa Jehová Diosajj churawayistu?

• ¿Kunatsa Jehová Diosajj jiwas pachpa kuns amtiri lurawayistu?

• Suma amtanakar puriñatakejja, ¿kunsa Jehová Diosajj churawayistu?

Biblian mä wiñay yatichäwip yatiñatakejja Efesios 5:15, 16 liytʼapjjäta. ‘Tiempo jan ina chʼusar aptʼasiñajja’, ¿kunanakatakis yanaptʼistaspa?

• Biblia sapür liyiñataki.

• Suma esposöñataki, suma esposäñataki, suma awk taykäñataki jan ukajj suma wawäñataki.

• Congregacionankir tantachäwinakat jan faltasiñataki.

4. Suma amtanakar puriñatakejj concienciasaruw yatichañasa

VIDEO: “Suma conciencianïpjjam” (5:13)

• Videorjamajja concienciapar sum yatichañatakisa, Jehová Diosar kusisiykir mä amtar puriñatakis ¿kunsa kullakajj luräna?

Mayninakan jiwas lanti amtapjjañapat sipansa, ¿kunatsa jiwas pachpajj mä amtar puriñasa? Hebreos 5:14 liytʼasajja aka toqetwa parltʼapjjäta:

• Jiwas lanti mä amtar puriñapataki maynir mayiñajj facilakïspawa, ukampis ¿kunatsa kunatï walïki jan walïkaraki uk sapa mayni amuyañapajj wakisi?

• ¿Concienciasar yatichañatakisa suma amtanakar puriñatakis kuna yanaptʼanakas utji?

5. Mayninakan concienciap respetañasawa

Janiw taqenejj igualäktanti ukatwa amtanakasajj mayj mayjaraki. ¿Kunjamsa mayninakan concienciap respetatas uñachtʼaysna? Ukatakejj aka pä toqet parltʼañäni.

Maya: Mä kullakarojj pintasiñajj (maquillasiñajj) wal gusti, jupajj yaqha congregacionaruw sarjje, ukankir kullakanakarojj janiw pintasiñajj gustkiti.

Romanos 15:1; 1 Corintios 10:23, 24 liytʼasajja aka toqetwa parltʼapjjäta:

• Uka textonakarjamajja, ¿kunsa kullakajj lurañapäspa? Kunatï concienciamatakejj walikïski ukajj maynin concienciapatakejj jan walïkani ukhajja, ¿kunsa jumajj lurasma?

Paya: Bibliarjamajja mä jilatatakejj alcoholani umañanak mä jukʼa uñtʼañajj walikïskiwa, ukampis jupajj jan mä jukʼsa umtʼañwa amti. Mä urojja mä kʼuchirtʼäwiruw jupar invittʼapjje, ukanjja jilat kullakanakarojj alcoholani umañanak wali amuyumpi umtʼaskirwa jupajj uñji.

Eclesiastés 7:16; Romanos 14:1, 10 liytʼasajja aka toqetwa parltʼapjjäta:

• Uka textonakarjamajja, ¿kunsa jilatajj lurañapäspa? Concienciamatakejj jan walïki uk mayninakar lurir uñjasajja, ¿kunsa jumajj lurasma?

¿Kunas suma amtanakar puriñamatakejj yanaptʼiristam?

1. Jehová Diosar yanaptʼa mayisim, ukhamat kunsa luräta uk amtañamataki (Santiago 1:5).

2. Bibliana ukhamarak qellqatanakan yatichäwinak thaqtam, ukhamat Biblian wiñay yatichäwinakap jikjjatañamataki. Jan ukajja experienciani mä jilataru jan ukajj mä kullakaruw uka toqet jisktʼasisma.

3. Mä amtar purisajja, jumasa mayninakas kunjamsa jikjjatasipjjäta uk amuytʼam.

¿KUNSA YATEQAWAYTAN?

Mä kunjjat kunsa Jehová Diosajj amuyi uka toqet yatjjatktan ukhajja, suma amtanakaruw purtanjja. Luratanakasajj mayninakarojj yanaptʼaniti jan ukajj jan waltʼayanicha uka toqet amuytʼktan ukhasa suma amtanakaruw puriraktanjja.

Amtañataki

• ¿Kunjamatsa Jehová Diosar kusisiykir amtanakar purisma?

• ¿Kunsa concienciamar yatichañatakejj lurasma?

• ¿Kunjamsa mayninakan concienciap respetatam uñachtʼayasma?

JUKʼAMP YATJJATAÑAMATAKI

Jehová Diosampi suma amigöñatakejj suma amtanakaruw puriñasa, kunatsa ukham sistan uka toqet yatjjatam.

“Taqe kunsa Jehová Diosar jachʼañchañatak lurañäni” (Yatiyañataki abril 15, 2011)

Jehová Diosajj kunjamsa ewjjtʼistu uka toqet jukʼamp yatjjatam.

Jehová Diosaw markapar yanaptʼi (9:50)

Mä amtar puriñajj chʼamakïkäna ukhajja, kunas mä chacharojj yanaptʼäna uk videon uñtam.

Jehová Diosakiw mä suma garantía churistu (5:46)

Jehová Diosar kusisiykir amtanakar kunjamsa pursna uka toqet yatjjatam.

“¿Hace falta siempre un mandato bíblico?” (La Atalaya, 1 de diciembre de 2003)