• Jan walinakat familiar jarkʼaqapxañäni
    Familian sum jakasiñatakixa kunas munasi

    • 19. Familian kusistʼañax walikïskiwa, ¿Biblian kuna yatichäwipas uk uñachtʼayistu, ukat khitis ukham lurarakïna?

      19 ¿Kusistʼañax jan waliw sasat Bibliax yatichi? Walikïskiw siwa. ‘Laruñ horasa’b anattʼañ horasas’ utjarakiwa sasaw yatichi (Eclesiastés 3:4, NM). Israel markanxa nayrax kunaymaninakwa kusistʼañatakix lurapxirïna; musicanak ischʼukipxirïna, thuqhupxirïna ukat anattʼapxirïna ukhamawa. Jesucristox mä jaqichasïwimpir ukat Mateo apostolan wakichat ‘mä jachʼa manqʼäwimpiruw’ saratayna (Lucas 5:29; Juan 2:1, 2). Jesusax janiw uka luräwinakarux janiw walïkiti sasax siskänti. Utasanxa lartʼasiñas kusistʼañas janiw juchäñapäkiti.