-
‘Wasitat jakapjjarakïta’Jehová Diosarukiw oraqpachan adorasjjani
-
-
9. ¿Nayra Israel markampi ‘Diosan Israelapampejj’ kuna pachpa jan walinsa uñjasipjjäna?
9 Dios saparuki Israelan adorasiñapataki parlki uka profecianakasa Ezequielan profecianakapasa, qhepatwa jukʼamp phoqasirakïna (Hech. 3:21). Israel markajj walja tiempow ‘jiwayatäkaspas’ ukham uñjasïna. ‘Diosan Israelapajja’, mä arun ajllit cristianonakajja ukhamarakiw walja tiempo jiwayatäpkaspas ukhamäna (Gál. 6:16). Ajllit cristianonakajja, walja tiempow Jachʼa Babiloniampi apnaqat uñjasipjjäna, ukatwa ‘qʼala wañsuta’ chʼakhanakäpkaspas ukhamäpjjäna (Ezeq. 37:2). Kunjamtï pasïr yatichäwin yatjjataniwayktanjja, ajllit cristianonakajj 100 después de Cristo maranakat qalltasaw Jachʼa Babiloniampi apnaqat uñjasipjjäna. Jesusajj trigompit jan wali qorampit parlkäna uka uñachtʼäwiparjamajja, walja patak maranakaw falso religionamp apnaqat uñjasipjjañapäna (Mat. 13:24-30).
Ezequielajj ‘qʼala wañsuta’ chʼakhanak visionan uñjkäna ukajja, Jehová Diosan ajllit cristianonakajj Jachʼa Babiloniamp walja maranaka katuntat uñjaskäna ukhaw phoqasïna, ukhajj jiwatäpkaspas ukhamänwa. (Párrafos 8, 9 uñjjattʼäta).
-
-
‘Wasitat jakapjjarakïta’Jehová Diosarukiw oraqpachan adorasjjani
-
-
a Ezequielajj mä visionan uñjkäna uka chʼakhanakajja, ‘jiwayatäpkäna’ uka jaqenakan chʼakhanakapänwa (Ezeq. 37:9). ‘Taqe israelitanakajja’, kunapachatï asirionakajj Israel markaru (tunka tribunakaru) katuntapkäna preso apasipkarakïna, uka qhepat babilonionakajj Judá markaru (pä tribunakaru) katuntapkäna preso apasipkarakïna ukhaw jiwayatäpkaspas ukhamäna.
-