• ‘Paranakapar mä marca ucham’
    Jehová Diosarukiw oraqpachan adorasjjani

    • 19. ¿Jesusajj aka oraqer juchañchkani ukhajj khitinakas jupamp chikäpjjarakini? (“Llakisiña, ayqoña, marca uchaña, tukjaña: ¿kunapachasa ukat kunjamas ukanakajj pasani?” sat recuadro uñjjattʼäta).

      19 Jesucristo reyejj alajjpachankir ejercitonakapampiw jan wali jaqenakar tukjapjjani. Ezequielan visionapanjja, lino isimpi isthapit chachajj jaqenakar marcañ tukuyjjäna ukhaw tukjañatak armanïpkäna uka sojjta chachanakajj markankir jaqenakar jiwarayañ qalltapjjäna (Ezeq. 9:4-7). Jutïrin ukhamarakïniwa, Jesusajj taqe markankir jaqenakar juzgkani, ovejanakjämäpki ukanakar salvasipjjañapatak mä marca uchkarakini uka qhepatwa jan wali jaqenakar tukjasini. Armagedón guerranjja Jesusajj alajjpachankir ejercitonakaparuw pʼeqtʼani, mä arunjja angelanakampi 144.000 ajllit cristianonakampi jutasaw aka jan wali pachar qʼal tukjapjjani. Ukampis Diosan servirinakaparojj salvapjjaniwa, machaq mundor mantapjjañapatakiw yanaptʼapjjarakini (Apoc. 16:14-16; 19:11-21).