• Pantjasitanakapatwa yateqäna
    Jupanakjam iyawsäwinïpjjañäni

    • 12. 1) ¿Kunatsa Jonasarojj ikitapat jan juchañchañasäki? (Qhanañchtʼäwip uñjjattʼäta.) 2) ¿Kunjamatsa Diosajj khitis juchanïna uk uñachtʼayäna?

      12 Jan yanaptʼirjamäsajja, Jonasajj carganak uchapkän uka manqharuw mä kʼuchur ikir sarjjäna, wali sumpunwa iktʼasiskpachäna.b Ukampis barcon capitanapajj jupar ikiskir jikjjatäna ukhajja, sartayasaw akham säna, “yanaptʼañapatakejj mayninakjamay Diosamar arstʼasim” sasa. “Aka jan waltʼäwejj Diosan castigopäpachawa” sasaw barcon irnaqerinakajj sapjjäna. Ukhamajj khitis diosanakar colerayi uk yatiñatakiw suerte jaqopjjäna. Ukat jan khitirus suerte mistutap uñjasajj jukʼampiw Jonasajj ajjsarayaspachäna. ¡Juparuw waktʼäna! Cheqansa, Jehová Diosaw uka jachʼa thay sartayäna ukat Jonasaw jan istʼasirïtapat juchanïna (Jonás 1:5-7 liytʼasiñapawa).

  • Pantjasitanakapatwa yateqäna
    Jupanakjam iyawsäwinïpjjañäni

    • b Griego arut qellqat Septuaginta Bibliarjamajja, Jonasajj qhorqhon qhorqhoniw iktʼasiskäna sasaw qhanañchi. Kunatï pasaskäna ukajj janiw llakisiykänti sasajj janiw sisksnati. Kunapachatï maynejj wali llakit jikjjatasi ukhajja, wal iktʼañ muni. Jesusajj Getsemaní cheqan wali llakita Diosar mayiskäna ukhajja, Pedrompi, Santiagompi ukat Juanampejj ‘llakimpi atipjatäsaw’ iktʼapjjäna (Luc. 22:45).