• Janiw kunas “Diosan munasiñapat apaqkistaspati”
    Jehová Diosar jakʼachasipjjañäni

    • 19 Jehová Diosajj sinttʼasiri ukat cheqpach llakisir Diosawa. Ukhamätapjja, Israel markapar tʼaqesir uñjasajj kunjamas jikjjatasïna ukanwa qhan amuysna, israelitanakajj “kunayman llakinakan uñjasipkäna ukhajja, jupajj llakisirakïnwa” (Isaías 63:9). Jehová Diosajj janiw markapan tʼaqesitapak uñjkänti, jan ukasti markapamp chikaw tʼaqesirakïna. Qhawqsa servirinakapar tʼaqesiri uñjasajj sinttʼasi ukajja, aka arunakanwa qhan amuyasi: “Khititï jumanakar llamktʼapktam ukajja nayan nayrajwa llamktʼaski” sasa (Zacarías 2:8).b Maynejj lukʼanapamp nayrasar loqantistu ukhajja, wal usuyastanjja. Diosampejj ukaw pasaraki, kunapachatï tʼaqestan ukhajj wal chuym usuyasi.

  • Janiw kunas “Diosan munasiñapat apaqkistaspati”
    Jehová Diosar jakʼachasipjjañäni

    • b Yaqhep Biblianakan uka textojj mayjtʼayatawa, janis Jehová Diosan nayranakapajj llamktʼaskaspa, Israel chachan nayranakapakis llamktʼaskaspa, jan ukajj Diosan markapar khititï llamktʼki ukan nayranakapas llamktʼaskaspa ukham qellqatakëjjewa. Biblia copierinakat yaqhep escribanakaw ukham mayjtʼayawayapjje, kuna laykutejj “janiw Diosar ukham sañajj walïkaspati” sasaw amuyapjjäna. Ukampis ukham lurasajja, Jehová Diosajj servirinakapat qhawqsa sinttʼasi ukwa chʼamaktʼayawayapjje.