Profeciajj akham sänwa: “¡Jupaw nayan ajllit servirijajja, jupasti wali munatawa, nayajj wal jupat kusisirakta! Juparuw espirituj churäjja, kunatejj cheqapäki ukwa markanakarojj qhanañcharakini. Janiw chʼajjwkanisa ni jachʼatsa arnaqaskaniti, janirakiw arunakapas jachʼa thakinakan istʼaskaniti. Taqe kunanakatï jan walïki ukanak sum askichañkamajja, janiw kuna pʼakit cañsa jukʼamp pʼakjkaniti, janirakiw jewqʼeskiri micha pawilsa jiwaykaniti. Cheqansa sutipjjaruw markanakajj suyapjjani” sasa (Mateo 12:18-21; Isaías 42:1-4).

Jesusajj khitinakatï pʼakjat cañaru uñtasitäpki ukham jaqenakaruw chuymachtʼkir arunak yatiyäna. Uka jaqenakajja, jewqʼeskir micha pawilor uñtasitäpjjänwa. Jesusajj janiw pʼakit cañar jukʼamp pʼakjkänti, ni jewqʼeskiri micha pawilarus jiwaykänti, jan ukasti munasiñampiw suma chuyman jaqenakarojj chuymachtʼäna chʼamañchtʼarakïna. Cheqansa Jesusaw taqe markankir jaqenakarojj yanaptʼani.