-
“Walpun jupat sinttʼasïna”“Jutam, nayar arkita”
-
-
3 Jaqenakajj wali jachʼatwa parlapjjäna ukat wal ojjopjjarakïna, ukampis Jesusajj uka juykhunakarojj istʼänwa. Uka horasanjja Jesusajj wali llakitäskänwa, kuna laykutejj niyaw aka oraqen jakäwipajj tukusiñampïskäna. Jerusalenan kuna tʼaqesiñanakansa uñjasini ukat kunjamsa jan sinttʼasis jiwayapjjani uks yatirakïnwa. Ukhampachas juykhunakan artʼasitanakaparojj taqe chuymaw istʼäna. Jupajj uka jaqenakar irptanipjjañapwa mayïna, ukatjja uka juykhunakarojj “¿kunsa nayajj jumanakatak lurirista?” sasaw jisktʼäna. Jupanakasti “Tata, uñjañwa munapjjta” sasaw ruwtʼasipjjarakïna. Jesusasti jupanakat ‘wal sinteqtʼasisajj’ nayranakapatwa llamktʼäna, ukjjarojj ukaratpachaw jupanakajj uñj-jjapjjäna, ukatsti Jesusaruw arkapjjarakïna (Lucas 18:35-43; Mateo 20:29-34).a
-
-
“Walpun jupat sinttʼasïna”“Jutam, nayar arkita”
-
-
a ‘Walpun sinttʼasïna’ sasin traducitäki uka griego arunakajja, chuymatpach cheqpachapun sinttʼasiña sañwa muni. Biblia toqet parlir mä librojj akham siwa: “Kunapachatï maynejj yaqhanakan tʼaqesitapat wal sinttʼaski ukhajja, janiw aleq ukhamak llakiskiti, jan ukasti sinttʼasitap laykojj yanaptʼañatakiw chʼamachasi” sasa.
-