• Reyejj arkirinakaparuw qʼomachi
    ¡Diosan Reinopajj apnaqjjewa!

    • 1-3. Diosan templop qʼañuchapjjatap uñjasajja, ¿kunsa Jesusajj luräna?

      JESUSAJJ wali respetompiw Jerusalén markan utjkäna uka templo uñjäna. Cheqpach yupaychirinakajj walja maranakaw uka templon Jehová Diosar yupaychawayapjje, uk Jesusajj sumwa yatïna. Ukampis uka yupaychäwejja, mä arunjja, qollan Diosar yupaychañajj qʼomäñapänwa. Ukhamajj jan walinak lurasin Diosan templop qʼañuchapjjatap uñjasajja, ¿kunjamakis Jesusajj jikjjataspachäna? Jupajj 33 marana nisán phajjsit 10 urunak saraqkäna ukhaw uka templor saräna, kunas ukan pasäna uk jichhajj uñjañäni (Mateo 21:12, 13 liytʼañataki).

      2 Kawkharutï jan judío jaqenakajj templor mantapkäna uka cheqanwa aljirinakasa ukat qollqe turkirinakasa, Jehová Diosar ofrenda churañatak sarapkäna uka jaqenakat walja qollq apsusipkäna.a Jesusajj “aljasirinakaru ukhamarak alasirinakaruw anqaru alissüna. Qollqe trokirinakan mesanakapsa liwinukünwa” (Nehemías 13:7-9 uñjjattʼarakïta). Ukat uka jan wali jaqenakarojj akham sarakïnwa: Awkijan utapjja, ‘lunthatanakan utapwa waktʼayasipjjatätajja’ sasa. Ukhamatwa Diosaru ukat templor respetatap uñachtʼayäna. Cheqansa, Awkipar yupaychañajj qʼomäñapänwa.

  • Reyejj arkirinakaparuw qʼomachi
    ¡Diosan Reinopajj apnaqjjewa!

    • a Jerusalén markar wali jayanakat sarapkäna uka judionakajja, templon impuestop pagañatakejj yaqha kasta qollqwa apapjjañapäna. Qollqe turkirinakajj wali jilaruw uka qollq turkapjjäna. Ukat ofrendanak loqtañatakiw waljanejj animalanak alapjjañaparakïna. Templon aljapkäna ukanakajj jila qollqeruw ukanak aljapjjäna, ukatwa Jesusajj ‘lunthatanaka’ sasin jupanakar sispachäna.