¿KUNAS JAN YAQHACHAÑATAK YANAPTʼISTASPA?

8. Jesusan kuna yatichäwipas cristianonakar mayachtʼi uk qhanañchtʼma.

⁸ Cristianonakajj kunjamatsa mayachtʼatäsna uka toqetwa Jesusajj yatichäna, akham sänwa: “Jumanakajj taqenis jilapuräpjjtawa” sasa (Mateo 23:8, 9 liytʼañataki). Cheqas taqeniw Adanat jutirïtanjja ukatwa ‘jilapurätanjja’ (Hech. 17:26). Maysa toqetjja, kunjamtï Jesusajj siskänjja, arkirinakapajj Jehová Diosaruw alajjpachankir Awkiparjam uñjapjje ukatwa ‘jilapurjamäpjjaraki’ (Mat. 12:50). Diosan jachʼa familiap taypinkapjjarakiwa, maynit maynikamaw munasipjje, Diosarus confiyapjjarakiwa ukaw jupanakar mayachtʼi. Apostolonakajj ukatwa cristiano masinakaparojj “jilatanaka” sasin cartanakapan qellqapjjerïna (Rom. 1:13; 1 Juan 3:13).a