• Criston munasiñapwa uñtʼañasa
    Jehová Diosar jakʼachasipjjañäni

    • “Awki, jupanakar perdonam”

      16. Lawan chʼakkatat tʼaqesiskäna ukhajja, ¿kunjamsa Jesusajj perdonañatak jankʼakïtap uñachtʼayäna?

      16 Jesusajja perdonañatakejj jankʼakïnwa, ukhamatwa Jehová Diosjam munasirïtap uñachtʼayäna (Salmo 86:5). Mä lawar chʼakkatat tʼaqeskäna ukhas perdonasirïtapwa uñachtʼayäna. Jesusajj wali jiskʼachata ukat amparanakatsa kayunakatsa clavonakamp chʼakkatat tʼaqesiskäna ukhajja, janiw jupar tʼaqesiyapkäna ukanakar castigañap Awkipar maykänti. Antisas niya jiwañampëjjäna ukhajja, akham sasaw Jehová Diosar säna: “Alajjpachankir Awki, jupanakar perdonam, kuntï lurapki uk janiw yatipkiti” sasa (Lucas 23:34).b

  • Criston munasiñapwa uñtʼañasa
    Jehová Diosar jakʼachasipjjañäni

    • b Yaqhep nayra qellqatanakatjja, Lucas 23:34 texton nayrïr partepajj chhaqtayatawa. Ukampis Biblia Aymara. Machaq Mundon Jakirinakataki sat Bibliansa ukat yaqha Biblianakansa janiw chhaqtayatäkiti, kuna laykutejj confiykañ nayra qellqatanakarjamaw lurasiwayi. Amuyatajja, lawar chʼakkatapkäna uka romano soldadonakatwa Jesusajj parlaskäna, jupanakajj kuntï lurapkäna uk janiw yatipkänti, janirakiw Jesusajj khitïnsa uks amuyapkänti. Maysa toqetjja, inas Jesusajj jupar jiwayasiñap mayipkäna uka judionakat parlaskchïna, tiempompejj uka judionakajj juparuw confiyjjapjjañapäna (Hechos 2:36-38). Cheqas Jesusar jiwayañatak romano soldadonakar amtayapkäna uka religión pʼeqtʼirinakajja, Jesusajj Diosan Yoqapätap yatkasaw jiwayapjjäna, ukatwa jupanakarojj jan perdonasjjänti (Juan 11:45-53).