19:11. “Kawkïritix jumar katuykitu” sasinxa, ¿Judas Iscariote jaqitti Jesusax Pilator parlaskäna? Janiw Judas Iscariote sapataksa, ni yaqha jaqitsa parlkänti, jan ukasti khitinakatix jiwayañ amtapkäna taqi jupanakat parlaskäna. Judas Iscariote, ‘sacerdoten jilïrinakapa, ukhamarak chuyman jilïrinaka, jachʼa autoridadanaka’ jupanakat parlaskäna, ukatxa jilïrinakan amtayataw jaqinakax Barrabasan antutatäñap mayipxäna, jupanakamppachat parlaskäna (Mat. 26:59-65; 27:1, 2, 20-22).

14:26; 16:13. Jehová Diosan qullan ajayupaw yatichistu ukat amtayistu. Ukarakiw yaqhip yatichäwinak qhanañchistu. Ukhamax uka qullan ajayun yanaptʼataw jukʼamp yatxatsna, amuytʼsna, walïki jan walïki uksa uñtʼsna ukat chʼikhi kankañsa jikxataraksna. Ukhamax Jehová Diosar qullan ajayup qhanpach mayisiñasapuniwa (Luc. 11:5-13).