6 JISKTʼA
¿Bibliajj Mesiasjjat kamsataynasa?
PROFECÍA
“Belén Efrata, [...] khititejj Israelan apnaqkani ukajj jumatwa nayatakejj mistuni”.
PHOQASITAPA
“Jesusajja Judeankir Belén markanwa nasïna, uka urunakanjja Herodesaw reyit apnaqaskäna. Ukapachaw warawaranak uñchʼukisin yatirinakajj inti jalsu toqet Jerusalenar purinipjjäna”.
PROFECÍA
“Jupanakasti isinakajwa jupanakkam jalanoqasipjje, isijatsa suertenak willtapjjaraki”.
PHOQASITAPA
“Jesusar lawar chʼakkatasasti, soldadonakajj patjja isinakap aptasaw pusir jaljasipjjäna [...]. Manqha isipsa ukhamarakiw aptapjjäna. Uka manqha isejj janiw chʼukunïkänti, alayat aynachkam sawutänwa. Ukhamajj akham sasaw jupanakkam parlasipjjäna: ‘Jan chʼiyjkañäniti. Antisas uka isjjat suertenak willtapjjañäni, ukhamat khitinkanis uk amtañataki’ sasa”.
PROFECÍA
“Diosaw jupan taqpach chʼakhanakap imaski, janiw ni mä chʼakhapas pʼakjatäkiti”.
PHOQASITAPA
“Jesusar jakʼachasipjjäna ukhajja, jupajj jiwatäjjänwa. Ukatwa jupan kayunakap jan pʼakirapkänti”.
PROFECÍA
“Juchanakas laykuw juparojj maysat maysa passuyapjjäna”.
PHOQASITAPA
“Soldadonakat mayniw jupar mä lanzampi chʼillat jununtäna, ukspachaw wilampi umampejj mistunïna”.
PROFECÍA
“30 qollqe metalanakwa pagapjjetäna”.
PHOQASITAPA
“Ukatsti Tunka Payani apostolonak taypitjja, Judas Iscariote satäki ukaw jilïr sacerdotenakan ukar saräna, akham sasa: ‘Jesusarutï apjjaruyapjjerismajja, ¿kuns churapjjetasma?’ sasa. Jupanakasti 30 qollqe monedanak churapjjäma sasaw sapjjäna”.