• “Jithiqtapxam wachuqa jucha lurañatxa”
    “Diosan munasiñapan jakasipxañäni”

    • 3. ¿Balaaman sipitaparjamax kuna jan walirus israelitanakax purtʼasipxäna?

      3 ¿Israelitanakax uka sipitaru jalantapxänti? Jïsa, walja “chachanakax moabita warminakampiw wachuqa jucha lurañ qalltapxäna”. Ukat diosanakapar kunaw yupaychapxäna, mä diosapax Baal-peor satänwa, uka diosax mirayir diosat uñtʼatänwa, mä arunxa wachuq jucha luräwinakan diosapänwa. Ukatwa taripat uñjasipxäna, ukat niya Suma Uraqir mantkasaw 24.000 chachanakax jiwarapxäna. ¡Uka jan waliruw purtʼasipxäna! (Números 25:1-9.)

  • “Jithiqtapxam wachuqa jucha lurañatxa”
    “Diosan munasiñapan jakasipxañäni”

    • 4. ¿Kunatsa walja israelitanakax wachuq juchar puripxäna?

      4 ¿Kunatsa ukar purtʼasipxäna? Israelitanakan chuymanakapaw jan walïxäna, ukatwa uka jan walir puripxarakïna. Jehová Diosat jithiqtasax jan walinak amuyapxäna. Kuntï Jehová Diosax jupanak layku lurkäna, Egipto markat qhispiyasa wasaran manqʼañ churasa ukat suma uraqirus jan chijir aptʼasaw puriyäna, taqi ukanakxa janiw amtxapxänti (Hebreos 3:12). Taqi ukanak amtasaw apóstol Pablox akham qillqatayna: “Janiw jupanakjama wachuqa jucha lurañasäkiti. Ukham lurapxatapatsti jupanakatxa mä urukiw pä tunka kimsan waranqa jaqinakax jiwarapxäna” sasa (1 Corintios 10:8).a