• Jesusajj kunjamsa aguantäna uka toqet yateqasipjjañäni
    “Jutam, nayar arkita”

    • “Wali amuyumpi kayup” arkasipkakiñäni

      20, 21. 1) ¿Kun lurañassa Jehová Diosajj suyi? 2) ¿Kun lurañsa jiwasajj taqe chuym amtañasa?

      20 Jesusan arkiripäñajj janiw faciläkiti, jan walinakar saykatañatakis aguantirïñaw wakisi (Juan 15:20). Jesusajj jan walinakan aguantañatakejj listokïnwa, kunjamsa ejemplopajj yaqhanakar yanaptʼañapäna uks yatirakïnwa (Juan 16:33). Cheqas Jesusajj perfecto jaqjamaw jan walinak aguantäna, ukampis jiwasanakajj pantjasir jaqenakätanwa. Ukhamajj ¿kunsa Jehová Diosajj jiwasanakat suypacha? Apóstol Pedrojj uka toqet akham siwa: “Cristow jumanakarojj mä ejemplo churapjjtamjja, ukhamat jumanakajj wali amuyumpi kayup arkapjjañamataki” sasa (1 Pedro 2:21). Jesusajj kunjamsa jan walinakar saykatäna ukajj jiwasatak ‘mä ejemplowa’, mä arunjja jupajj wali yateqaskañawa.a Ukhamarus jupan aguantatapajj chellqtatanakaru jan ukajj taktʼasitanakar uñtasitawa. Jiwasajj janiw kunapachas “kayup” cheqaparjam arkañ puedkañäniti, ukampis jan jitheqtasaw jupar ‘wali amuyump arksna’.

  • Jesusajj kunjamsa aguantäna uka toqet yateqasipjjañäni
    “Jutam, nayar arkita”

    • a Griego arut traducitäki uka “ejemplo” arojja, “manqhäjjar qellqata” sañwa muni. Griego Arut Qellqatanakanjja, apóstol Pedrokiw ukham qellqawayi. “Ejemplo” arut parlkasajj yaqhepanakajj akham sapjjewa: “Uka arojj kunjamtï mä profesorajj wawanakar yatichañatak letranak wali qhan qellqtʼki uk sañwa muni, ukhamat wawanakajj jan pantjasis ukarjam copiapjjañapataki” sasa.